Travelfy | Plan Trips with Flights, Hotels & Activities at the Best Prices: Antalya

Antalya Turkiya

Antalya Turkiyaning O‘rta yer dengizi sohilidagi eng katta shahri bo‘lib, mashhur “Turk rivyerasi” ning yirik markazlaridan biridir. O‘rta yer dengizining eng go‘zal va eng toza sohillariga ega bo‘lgan Antalya bo‘ylab cho‘zilgan uzun qirg‘oq chizig‘i bo‘ylab qadimiy shaharlarga oid yodgorliklar, eski portlar, yodgor maqbaralar, hayratomuz qoyali sohillar, cheksiz plyajlar, yam-yashil o‘rmonlar, daryolar va sharsharalarga duch kelasiz. Qadimiy shahar devorlari bilan o‘ralgan Kaleichi Antalyaning Eski Shahar qismidir. Bu shaharning eng jonli hududlaridan biri bo‘lib, ko‘plab do‘konlar, barlar, restoranlar va hordiq maskanlari shu yerda joylashgan. Kaleichi tor ko‘chalari bugungi kunda xalqaro yaxtalar marinasiga aylangan eski bandargohga borib taqaladi. Manzarali Eski Shaharda ellinizm, Rim, Vizantiya, Saljuqiylar va Usmonlilar davriga oid ko‘plab me’moriy namunalari, shuningdek, o‘rganish mumkin bo‘lgan arxeologik shaharlar va tarixiy binolarni topasiz. Antalya soyali, palma daraxtlari qator terib ekilgan keng xiyobonlari bilan ko‘plar tomonidan yer yuzidagi jannat va O‘rta yer dengizining durdonasi sifatida e’tirof etiladi. Yomon emas, a?

Tavsiya etilgan aeroport

Antalya (AYT)

Qiziqarli joylar

Yaqin atrofdagi manzillar

Antalya, Turkiya

Antalya Turkiya